Menut de navigacion

Escrichs per Danís

Danís (Administrator)
Danís
Peiregòrd que viu a Tolosa, ai creat queu site que me fasiá mestier, mai envia. Se jamai avetz un problema interfacic, quo serà donc sus io que faudrà tustar ! Aquò dich, se voletz de las modificacions d'architectura o de las novelas fonccionalitats, sei prenur tanben.
Plaça Reiala de Nantas

Escrich per lo 13 octobre de 2016 - - Pas de vejaires

Plaça Reiala de Nantas

Plaça istorica de Nantas

Danís

La Plaça Reiala es au còr de la vila de Nantas e sierv dempuei longtemps de punt de rendetz-vos per las surtidas e los evenaments, enquera mai dempuei qu’es venguda totalament pedoniera, coma lo quartier a l’entorn. Totas las façadas daus imòbles que la bòrdan, mai la font monumentala qu’es en son mitan tesmonhen de la richessa de la vila e de la plaça importanta dau comerci dins son economia jurscinca au segle 20. E mai qu’aquò, la font illustra lo fach que Nantas fuguet totjorn, en vila d’estuari, virada vers las aigas, qu’elas sian daus rius o de la mar. Entau, totas las estatuas de la font an a veire emb de las divinitats classicas de las aigas, o alara simbolizen los flumes vesins (la Leira, la Sevra, l’Erdra…) o los...

N'en legir mai
Sent Lèon de Vesera

Escrich per lo 13 octobre de 2016 - - Pas de vejaires

Sent Lèon de Vesera

Vilatge medievau tipic dau Peiregòrd Negre

Danís

Sent Lèon es segurament un daus mai braves vilatges dau Peiregòrd, conhat dins los recobdes de la Vesera, entre las planas agricòlas e los bauçs calcaris cuberts de bòscs. Las pitas charrieras dau vilatge, demorat dins son jus medievau, son plenas de maisons tipicas e ‘rieben totas a l’egleisa romana de Sent...

N'en legir mai
Chasteu de Maruelh

Escrich per lo 13 octobre de 2016 - - Pas de vejaires

Chasteu de Maruelh

Chasteu de plana

Danís

Maruelh, dins lo Nòrd de la Dordonha, era autres còps la capitala d’una baronia importanta dau Peiregòrd. N’en demòra per pròva un chasteu-fòrt impausant, en riba de la rota que vai de Peiriguers a Engolesme, çò que n’en fai un imatge conegut de tot lo ranvers. Tot indica que lo trobador Arnaut de Maruelh vendriá de queu Maruelh ‘qui, mas es sens rapòrt emb lo chasteu actuau, bastit au segle 15 sus de las roinas laissadas per la Guerra de Cent Ans. Lo diferents bastiments dau chasteu se pòden visitar, notadament una chapela d’estile...

N'en legir mai
Magalona

Escrich per lo 13 octobre de 2016 - - Pas de vejaires

Magalona

Peninsula mediterraneana e ancian eveschat

Danís

Magalona, quo es una presqu’isla de l’Eraut que s’avança dins la mar Mediterraneia. Pas tròp luenh de la còsta toristica e daus òrres bastits balnearis tipe Palavas (que vesem dempuei Magalona), es tot parier demorada un pauc sauvatja e sauvagardada. Son acces se fai a pè, e enquera, pas tot lo temps, per un pitit pont e un sendareu godronat, çò qu’explica benleu la relativa tranquilitat de l’isla. Sa tranquilitat es deguda tanben a son ocupacion per daus monges en retirada e un CAT (Centre d’Ajuda per lo Trabalh) se tròba tanben sus l’isla. Pertant, l’istòria de l’endrech fuguet pas totjorn tant suauda, e se compren que la posicion longtemps estrategica de quela avançada d’origina volcanica aja esvelhat mai d’un interès lo long de l’Istòria : romans, etrusques, visigòts, sarrasins, aragones e frances dau temps de la Crotzada. Lo bastiment principau de la peninsula, que ven rapelar que Magalona...

N'en legir mai
Lac de Sant Ferreòl

Escrich per lo 10 abril de 2016 - - Pas de vejaires

Lac de Sant Ferreòl

Reservador dau Canau dau Miegjorn

Danís

N’es una surtida que los tolosencs e la gent de la region coneissen bien : lo lac de Sant Ferreòl. Juste, au-dessus de Revèl, lo lac uefra de que se permenar, e mai l’estiu lo monde s’i banhen, l’i peschen, e l’i fan d’autras activitats de lesers o toristicas. Mas la presencia de queu lac es pas un enzard e a tanben una pita istòria, liada a ‘quela dau Canau dau Miegjorn. D’ora, Peire-Pau Riquet aviá compres los besonhs d’alimentacions en aiga de son Canau dau Miegjorn, mai que mai en son punt lo mai naut, a Naurosa, suelh de partatge de las aigas entre Atlantic e Mediterraneia. La tascha fuguet pas simpla, que a l’espòca (entre 1667 e 1772), se fasián pas de grands barratges, ‘laidonc la tecnica era d’inventar. Pasmens ‘quò empaschet pas Riquet e sa companhiá de crear çò que demoret lo mai grand barratge dau...

N'en legir mai

Pin It on Pinterest