Menut de navigacion

Escrichs per Matilda

Matilda (Autor)
Matilda
Las fotografias que son presas dab un powershot G7 canon, au telefonet o a l'Ipad. Que son sovent presas pendent reperatges d'espectacles per viéner.
Sant Joan d’Isil

Escrich per lo 9 julhet de 2017 - - Pas de vejaires

Sant Joan d’Isil

Matilda

Sant Joan d’Isil qu’ei la glèisa parropiau romana deu vilatge d’Isil, dens l’Alt Àneu, dens l’entorn deu Pallars Sobirà. Que’s tròba a miei quilomètre au sud d’Isil, còsta las aigas de la Noguera Pallaresa, ua de las construccions romanas mei notablas e caracteristicas de la Vath d’Àneu. Que’n trobam traç peu prumèr còp en 1095. Tres naus, la centrau mei grana e hauta, coronadas per ua absida e duas absidiòlas ondradas, a l’exterior, ua frisa de doblas arcas. L’absida centrau qu’a tres frinèstas mentre las absidiòlas que n’an ua sola au centre. A haut de la paret au lhevant, un uelh de bueu, centrat au-dessús de l’absida màger. Ua portalada au sud de la fin deu segle XIIau de notabla factura dab tot plen d’ondradas. Corona la paret ua frisa d’arcas òrbas, entre las quaus, interrompent-las, i son encastrats dus relhèus hòrt primitius, qui avèvan lhèu ua foncion funerària....

N'en legir mai
Son del Pí

Escrich per lo 9 julhet de 2017 - - Pas de vejaires

Son del Pí

Matilda

Son, lo nom vielh qu’ei Son del Pi – o lo contre sèi pas mei –  qu’ei un vilatge d’Alt Ànèu, que s’inscriu dens lo Pallars Sobirà. Qu’ei situat a l’esquèrra deu Riu de Son, pròche de la confluéncia enter la vath de la Noguera Pallaresa e la de la Bonaigua, a 1.387,8 metres d’altitud. Lo vilatge de Son qu’ei fondat dab l’acte de consacracion de la catedrala de la Seu d’Urgell, en 839, (avís : cronologia hòrt discutida). La localitat la tornam trobar mentavuda en 1076, junta dab la glèisa de Sancti Iusti. Qu’a un important patrimòni arquitecturau remarcable sustot dab la glèisa romana de Sant Just e Sant Pastor. Ua grana edificacion deus segles XI e XII, qui a subit hèra de modificacions, qui’s guarda un campanar gran en fòrma de tor quadrada dab decoracion lombarda. Au dehens, divèrs objectes liturgics de pèira d’epòca romanica, un retaule...

N'en legir mai
Correnç

Escrich per lo 28 junh de 2017 - - Pas de vejaires

Correnç

Matilda

Correnç (1èra atestacion en 920 Coreno) que’s reïvendica lo prumèr vilatge biò de França, qu’ei en Provença verda en lo departament de Var. Que’s tròba a la boca deus gorgs de la Bagarèda e deu Valon Sorn, sus las arribas de l’Argens. Los vinhèrs que hèn tot en biò e la cooperativa au cap deu vilatge que v’arcuelh dab vins de qualitat. Un abelhèr (apicultor), dus avicultors, un hromatgèr, un casalèr, dus oleïcultors, quate viticultors labellizats « bio » e tanben ua espicieria especializada que tribalhan dens lo vilatge. A l’estiu de 2016 un huec que destrusí los hauts de Correnç, seuva e restancas. Lo Fòrt Gibron : suu motar qui dauneja l’Argens, vestigis d’un donjon (6,20 m x 9,30 m) en bèth aparelh bastit au dehens d’ua cortina quadrangulara (20,15 m x 24,35 m) e contra lo quau e s’apea l’anciana demora deus abats de Montmajor. Lo nom « Gibron » qu’apareish...

N'en legir mai
La Tèsta de Bug

Escrich per lo 28 junh de 2017 - - Pas de vejaires

La Tèsta de Bug

Pòrt d'ústrias

Matilda

Site ocupat peus umans despuish lo sègle VIIIau ab. J.-C. peus Boiates pòble aquitan. Pescaires, caçaires, aulhèrs, que cultivan la tèrra e probable dejà la vinha. L’espleitacion de la seuva (despuish mei de 2000 ans e shens aténer la seuva industriau de Napoleon III) que hè vàder las prumèras tecnicas de la genada e la fabricacion de la brea : arrosia cueita dens horns de tèrra, utilizada per calfatar las còcas deus batèus. Lo títol de Captal de Bug emplegat de l’atge miejancèr dinc a la revolucion francesa que designa lo màger deus senhors deu País de Bug. Qu’arrecapta lo captalat deu país de Bug, las paròpias de La Tèsta, de Casaus e de Gujan. Lo 27 de junh de 1243, Enric III Plantagenèst, rei d’Anglatèrra e duc d’Aquitània epós d’Alienòr que da aus poblants de La Tèsta Pèir Francon e sons hrairs, ua licéncia e deishar-passar entau naviu,...

N'en legir mai

Pin It on Pinterest