Menut de navigacion

Escrichs per Bizenz

Bizenz (Editor)
Bizenz
Cròcamilhòc (landés) qui viu a Baiona e qui apren l'euskara (lenga basca) entà's poder trufar deu vesin vascon.
Dubrovnik

Escrich per lo 16 octobre de 2018 - - Pas de vejaires

Dubrovnik

Ciutat istorica

Bizenz

Dubrovnik, tanben aperada deu son nom italian Ragusa, qu’es ua vila de Croàcia, sus la còsta de la Mar Adriatica (Dalmàcia). Que compta uns 45 000 poblants. Au nòrd-èst, au darrèr de l’ahitau de Ploče, que s’està la montanha de Srđ, hauta de 408 mètres, e un chic mei a l’èst, la de Bosanka, de 264 m. Lo pont dab tirants Franjo Tuđman qu’escama la Rijeka Dubrobačka e que junta la ciutat dab l’auta arriba. La partida antica de la ciutat qu’es estada declarada Patrimòni de l’Umanitat per l’UNESCO en 1979 e inscrivuda sus la lista deu Patrimòni de l’Umanitat en perilh enter 1991 e 1998. Au larg de la vila que’s tròba uas islas : Lokrum e las Islas Elafitas : Daksa, Grebeni , Lopud e Koločep. Enter lo pòrt de Gruž e la ciutat istorica, que s’està la peninsula de Grad. Dempuish la soa creacion e pr’amor de la soa situacion...

N'en legir mai
Las Gòrjas de Kakueta

Escrich per lo 2 Agost de 2016 - - Pas de vejaires

Las Gòrjas de Kakueta

Curiositat naturau

Bizenz

Las Gòrjas de Kakueta que son situadas dens la comuna de Senta Gràcia au Bascoat, en la província de Sola. Qu’es un site d’ua longor de dus quilomètres, adobat e obèrt entau public. La visita ne’s pòt har qu’en periòde d’aigas baishas, enter los mes de julhet e de seteme. Lo pregondor de la gòrjas qu’atenh trenta a tres cent cinquanta mètres pr’amor l’erosion de l’arròca calcària per l’arriu Uhaitxa. En fin de camin, que’s tròban ua chorrèra e ua tuta ornada d’estalactitas e d’estalagmitas gigantas. Aquiu que viven laminak e lo Basajaun, uns personatges de la mitologia basca. ENTÀ ANAR-I Dempuish Baiona, passar per La Bastida-Clarença, Sent Palais, Maulion e puish Tardets. Dempuish Pau que cau seguir Auloron-Senta Maria, Aràmits e Tardets. Aquiu que cau seguir la D26 dinc a Lic-Aterei puish la D113 dinc a Senta Gràcia (En seguir aquesta D113 qu’arrejunhem Era Pèira-Sent Martin en Varetons,...

N'en legir mai
Karnag

Escrich per lo 20 decembre de 2015 - - Pas de vejaires

Karnag

Site megalitic

Bizenz

Los alinhaments megalitics de Karnag que’s tròban en Bretanha, enter Gwened e An Oriant, dens la baia de Kiberen, gòlfe de Mor-bihan. Lo site de Karnag que seré aucupat dempuish lo Vau millenari abans Jèsus Crist. Lo pujolet de Sant Mikael qu’estó bastit a l’èra neolitica, enter 5 000 e 3 400 ans ab. JC. Qu’es un tombèu entau sòcis d’ua eleit, que i cabón objèctes funeraris de tot ordi, qui la màger part e son muishats au musèu de la Preïstòria. Los alinhaments megalitics que serén estat apitats au Neolitic mejan o finau enter 4 000 e 2 000 ans ab. JC. Totun non sabem tostemps pas quin grop etnic e s’apitè aqueths...

N'en legir mai
Senta Quitèira

Escrich per lo 11 decembre de 2015 - - Pas de vejaires

Senta Quitèira

Glèisa gotica

Bizenz

« Pròche de la cripta de Sent Melquiade que’s veid un tahuc com lo de la nosta senta Quitèira d’Aira, e de tira que’m gaha l’idea de díser la canta de senta Quitèira en’queste país on an botat martirs com botan grons au camp per semiar. » Cesari Dauger, Ua camada en Italia – Letra XXIX, Las Catacombas La glèisa Senta Quitèira d’Aira (Tursan, Gas.) qu’es un monument istoric classat, inscrivut au Patrimòni Mondiau de l’UNESCO suus camins de Sent Jacme de Compostèla. Bastida a la fin deu sègle XIau còsta l’abadia benedictina (uei Licèu professionau). Qu’estoc destrusida en partida au sègle XVIau pendent las Guèrras de Religion. De véser : lo timpan deu sègle XIIau representant lo Darrèr Jutjament, lo còr dab decòr roman e autar barròc deu sègle XVIIIau, la cripta, ancian mausolèu embarrant lo tahuc dit de Senta Quitèira de marme blanc datant deu miei deu sègle IVau. La...

N'en legir mai
Lo Corrent d’Uishet

Escrich per lo 28 novembre de 2015 - - 3 vejaires

Lo Corrent d’Uishet

Curiositat naturau

Bizenz

Lo Corrent d’Uishet qu’es un fluvi costèir present sus las comunas de Lon, Viela-Sent Gironç e Moliets e Mar (Maransin, Gas.). Aparentat a la familha deus corrents landés, qu’es lo pendent de l’estanh de Lon e que’s gita dens la Mar grana au nivèu de la comuna de Moliets e Mar. Qu’es l’equivalent atlantic deus graus mediterranencs que trobam mes que mes en Lengadòc e en Provença (cf. Lo Grau dau Rei, Lo Grau d’Agde, etc.). Lo site deu Corrent d’Uishet qu’es rendut celèbre au començar deu sègle XXau peu Maurici Martin, « l’inventor” de la Còsta d’Argent. La reserva naturau nacionau deu Corrent d’Uishet qu’es creada en 1981 sus ua superficia de 618 ectaras. Lo nom uishet que’s pòt compréner com passatge. En gascon, lo mot que s’emplec en arquitectura entà díser obertura, atau com lo francés huis dont es l’arrevirada. La passejada en galupa lo long de la branca...

N'en legir mai

Pin It on Pinterest