Menut de navigacion
Chasteu daus Ducs de Bretanha

Chasteu daus Ducs de Bretanha

Chasteu istoric e simbolic de la Bretanha

  • Tipe :
  • Adreiça : 4 Place Marc Elder, 44000 Nantes, France

Lo chasteu daus Ducs de Bretanha, au centre de Nantas, representa bien enquera l’ideia de poder que quilhs sobeirans mai o mens independents aviá e agueren pendent mai d’una espòca, e tanben la plaça estrategica de la vila. Lo chasteu mai vielh a laissat un tor naura, romana, dau segle 13, e tot lo demai venguet apres.

La tor dau Vielh Domnon, la mai anciana

La tor dau Vielh Domnon, la mai anciana

Lo chasteu chabet jamai d’evoluar, mas quo es principalament au segle 15, emb Frances II, LO darrier Duc de Bretanha, puei emb sa filha Anna de Bretanha, que coneguet sas modificacions las mai importantas, emb l’apondon de dependencias, d’un « Grand Governament », seguit d’un « Pitit Governament » per lotjar lo Rei de França apres lo restachament, istòria que puescha susvelhar sos noveus vassaus…

Los bastiments, impausants, son bien renforçats e logeren de las peças d’artilhariá, per contrar las menaças de las guerras de religion mas tanben per assegurar la man dau rei sus la Bretanha e quel endrech simbolic, coma un acte de comunicacion.

Lo chasteu demoret chasteu jusinca bien apres lo passatge de l’Enric IV, que l’i venguet durmir per signar l’Edit de Nantas, puei venguet caserna, mai preison, çò que li faguet pas tròp de bien : en 1800, de la podra e de l’artilhariá entrepausada dins una vielha tor peten e empòrten dins l’afar tot un mur, daus sodards, e, drama, las archivas…

Architecturalament, lo chasteu traís a l’encòp sa vocacion defensiva emb sas tors, son chamin de ronda, sas cortinas, mas tanben son costat residenciau, emb de las grandas fenestras, de las decoracions muralas e un grand rafinament generau, raportat de l’Italia de la Renaissença.

Lo chasteu es aurá un Museu, complet e riche, sus l’istòria de Nantas e de la Bretanha, que tracta tant de las guerras de successions e dau destachament a la França que de la vocacion maritima de la vila, sens res taiser, e au contrari, dau passat negrier. Un gròs trabalh i es fach tanben sus l’istòria recenta, la Seconda Guerra Mondiala e las industrias, notadament aquela, vesina, de Lefèvre-Utile.

Darrier simbeu fòrt : lo cur d’Anna de Bretanha i es conservat.

 

Fichas liadas

Escriure un vejaire

Vòstra adreça de messatjariá serà pas publicada. Los camps obligatòris son indicats amb *


*

Pin It on Pinterest

Partatjar