Menut de navigacion
Chasteu de Chalusset

Chasteu de Chalusset

Roinas de la mai gròssa fortaressa dau Lemosin

  • Tipe :
  • Adreiça : Saint-Jean-Ligoure, France

Chalusset es una fortaressa, en fach lo mai gròs chasteu fortificat dau Lemosin. Enfin, zo era. Pusleu eficaç coma bastiment dissuasiu e defensiu, botet tanben a l’acialat los brigands dau país passat la guerra de Cent Ans. Tombat en roinas, es aurá classat e fai l’object d’una gròssa campanha de restauracion dempuei las annadas 1990.

L’ensemble architecturau se compausa d’un chasteu, pausat sus un piton de ròcha emb sa « Tor Joaneta », un donhon carrat (o octogonau maileu) e una cort interior plan protegida. Las folhas que se fagueren dins la bassa-cort de la fortaressa doneren a veire de las pitas maisons d’abitacion carradas. Demòra la pòrta que permetiá de passar de la nauta a la bassa cort, la dicha « Pòrta dau Capitani ».

L’istòria de Chalusset e de sa bastison, o au mens de sa transformacion en fortaressa es liada estrechament a la vila e aus chasteus de Chasluç, a quauques quilometres, d’aquí son nom de « pitit Chasluç ».

Fichas liadas

    2 Vejaires

  1. Maime
    L’i sei ‘nat n’i a quauquas annadas. Un brave endrech de visitar, pas b-assetz metut en davant.
    • Pitit Lemosin
      Me suvene quand èria pitit, daicia a l’i a 20 ans benleu, que se podiam permenar au beu mitan de las roinas qu’èrian dreibidas a tot lo monde mas l’i aviá belament degun, qu’èria ‘n endrech sauvatge e puei l’i aguet daus accidents que quauquas peiras avian tombat sus dau monde e quò fuguet lo començament de la proteccion e de las folhas. Auei, qu’es benleu pas pro metut en valor mas l’i a totparier quauquaren que s’es fach. Manca subretot ‘na visita en occitan coma un guida o emb un chause que bargassa solet.

Escriure un vejaire

Vòstra adreça de messatjariá serà pas publicada. Los camps obligatòris son indicats amb *


*

Pin It on Pinterest

Partatjar