Menut de navigacion

Sostenir

BaRuLa es un project personau, pas professionau e pas lucratiu. S’a pas vocacion a far ganhar de l’argent a son administrator, n’en còsta tot parier e lo dich administrator n’en supòrta, per aura, solet la charja.

Se BaRuLa vos interessa, se trobatz que l’ideia es bona, que la fau desvelopar, e qu’avetz daus fons de tirador que demòren per ajudar, podetz sostenir en utilizar queu formulari.

L’argent collectat servirà d’en prumier a paiar las charjas fixas annualas, que son :

  • Los frais d’auberjament dau site = 80 €.
  • Lo depaus e la proteccion dau nom de domeni barula.de e de sos sinonimes (.eu, .info, .org) = 25€.

Çò que donaretz de mai serà utilizat per, dins l’òrdre descreissent de prioritat :

  • Aumentar l’espaci d’estocatge per las fòtos e los medias (se lo besonh s’en fai sentir).
  • Versar una contrapartida aus desvelopaires de las diferentas extensions WordPress que BaRuLa utiliza, en segre lur importencia. « Logiciau liure » vòu pas dire que podem pas reconeisser lo trabalh fach e lo gratifiar !
  • Chaptar de las licencias d’extensions paiantas, per rendre BaRuLa mai potent, coma de las gestions de newsletter, l’ajot d’un fialat sociau independent BaRuLa, e potencialament tota ideia que podriatz o podriam aver !
  • Embauchar un desvelopaire exterior per optimizar BaRuLa. L’administrator dau present site a de las coneissenças tot parier limitadas en desvelopament web, l’implementacion de quauquas foncions necessitarà l’intervencion d’un professionau exterior.
  • Crear e distribuar daus supòrts de comunicacion per BaRuLa (publicitats, cartas, afichas, visuaus…).
  • Organizar daus eveniments per que los barrutlaires s’encontressen.

Lo compte PayPal de destinacion es, en l’absencia d’estatut juridic per BaRuLa, lo de l’administrator dau site. Podetz a tot moment li damandar directament coma es utilizat l’argent versat, en vos servir dau formulari de contacte. Se voletz pas utilizar PayPal mas que voletz tot parier far un don, merces de passar tanben per queu formulari.

Donacion vià PayPal

Autre montant : EUR

Totau daus dons

Pin It on Pinterest

Partatjar