Menut de navigacion
Dubrovnik

Dubrovnik

Ciutat istorica

Dubrovnik, tanben aperada deu son nom italian Ragusa, qu’es ua vila de Croàcia, sus la còsta de la Mar Adriatica (Dalmàcia). Que compta uns 45 000 poblants. Au nòrd-èst, au darrèr de l’ahitau de Ploče, que s’està la montanha de Srđ, hauta de 408 mètres, e un chic mei a l’èst, la de Bosanka, de 264 m. Lo pont dab tirants Franjo Tuđman qu’escama la Rijeka Dubrobačka e que junta la ciutat dab l’auta arriba.

La partida antica de la ciutat qu’es estada declarada Patrimòni de l’Umanitat per l’UNESCO en 1979 e inscrivuda sus la lista deu Patrimòni de l’Umanitat en perilh enter 1991 e 1998.

Au larg de la vila que’s tròba uas islas : Lokrum e las Islas Elafitas : Daksa, Grebeni , Lopud e Koločep.

Enter lo pòrt de Gruž e la ciutat istorica, que s’està la peninsula de Grad.

L'isla de Lokrum dempuish la ciutat de Dubrovnik

L’isla de Lokrum dempuish la ciutat de Dubrovnik

Dempuish la soa creacion e pr’amor de la soa situacion geografica, la vila qu’estoc gavidada o devath l’influéncia de numerós pòbles o país : Romans, Empèri de Bizanci, Croats, Republica de Venecia, Austria-Hongria, Francés…

En 1945, la Croacia qu’es integrada a la Republica Socialista Federau de Iogoslavia. En 1991, que’s declara l’independéncia, çò qui mia a la guèrra contra los Sèrbis. Que van bombardar Dubrovnik en 1991 e 1992, en avisà’s de non pas mascanhar las parets de la ciutat vielha. En efèit, la vila qu’es un lòc estrategic, autan dab l’accès a la mar com lòc istoric, pròpi au torisme.

Qu’estimam un edifici de tres de la vila vielha qu’estoc tocat peus bombardaments sèrbis (huec, obús o esclats).

La vila de Tolosa que participè a la reconstruccion de la ciutat istorica en hornir teulas.

Uei lo dia, pr’amor deu filmatge de « Game of Thrones » dens la ciutat istorica, qu’es vasut un torisme navèth dab la visita deus lòcs ligats a la seria estatunenca.

Koločep, ua de las Islas Elafitas

Koločep, ua de las Islas Elafitas

Fichas liadas

Escriure un vejaire

Vòstra adreça de messatjariá serà pas publicada. Los camps obligatòris son indicats amb *


*

Pin It on Pinterest

Partatjar