Menut de navigacion
Lac de Sant Ferreòl

Lac de Sant Ferreòl

Reservador dau Canau dau Miegjorn

  • Tipe :
  • Adreiça : Revel, France

N’es una surtida que los tolosencs e la gent de la region coneissen bien : lo lac de Sant Ferreòl. Juste, au-dessus de Revèl, lo lac uefra de que se permenar, e mai l’estiu lo monde s’i banhen, l’i peschen, e l’i fan d’autras activitats de lesers o toristicas. Mas la presencia de queu lac es pas un enzard e a tanben una pita istòria, liada a ‘quela dau Canau dau Miegjorn.

Lo Patron

Lo Patron

D’ora, Peire-Pau Riquet aviá compres los besonhs d’alimentacions en aiga de son Canau dau Miegjorn, mai que mai en son punt lo mai naut, a Naurosa, suelh de partatge de las aigas entre Atlantic e Mediterraneia.

La tascha fuguet pas simpla, que a l’espòca (entre 1667 e 1772), se fasián pas de grands barratges, ‘laidonc la tecnica era d’inventar. Pasmens ‘quò empaschet pas Riquet e sa companhiá de crear çò que demoret lo mai grand barratge dau monde… dau mens pendent quauques temps.

Cadran Solari

Cadran Solari

En chifras, la retenguda conten 6 millions e mieja de m3, çò que fai una laca de 70 ectaras. Lo barratge en se fai 786 mestres de long e 149 mestres de large a sa basa.

Riquet aviá previst de far alimentar son bassin per un ptiti riu, lo Laudòt, mas ‘quò damandava de n’en butir un pauc lo debit. ‘Laidonc 7 ans apres sa mòrt, quo es Vauban que chabet la trauchada dicha « de Les Capmases », un tunnel que mena l’aiga de la Montanha Negra jusinc’au bassin de Sant Ferreòl.

Lo lac de Sant Ferreòl es aura classat monument istoric, la trauchada es, coma lo demai dau Canau, classada Patrimòni Mondiau de l’UNESCO. Mas l’istòria complicada dau Canau e lo temps an fach perdre un pauc las traças que quilhs monuments, en mai las pendas dau barratge son aurá plantadas d’aubres, alara que la departamentala passa sus lo tunnel de Les Capmases.

En bas dau barratge e dau lac, daus elements venen tesmonhar daus prumiers ensais d’amentajament toristic a la fin dau segle 19. L’i trobem de las cascadas, daus aubres plantats, talhats, de las permenadas e quauques juecs d’aiga. Un percors fotografic retraça sus plaça l’istòria de queu torisme d’avant l’espòca dau torisme.

Fichas liadas

Escriure un vejaire

Vòstra adreça de messatjariá serà pas publicada. Los camps obligatòris son indicats amb *


*

Pin It on Pinterest

Partatjar