Menut de navigacion
Magalona

Magalona

Peninsula mediterraneana e ancian eveschat

  • Tipe :
  • Adreiça : Villeneuve-lès-Maguelone, France

Magalona, quo es una presqu’isla de l’Eraut que s’avança dins la mar Mediterraneia. Pas tròp luenh de la còsta toristica e daus òrres bastits balnearis tipe Palavas (que vesem dempuei Magalona), es tot parier demorada un pauc sauvatja e sauvagardada. Son acces se fai a pè, e enquera, pas tot lo temps, per un pitit pont e un sendareu godronat, çò qu’explica benleu la relativa tranquilitat de l’isla. Sa tranquilitat es deguda tanben a son ocupacion per daus monges en retirada e un CAT (Centre d’Ajuda per lo Trabalh) se tròba tanben sus l’isla.

Pertant, l’istòria de l’endrech fuguet pas totjorn tant suauda, e se compren que la posicion longtemps estrategica de quela avançada d’origina volcanica aja esvelhat mai d’un interès lo long de l’Istòria : romans, etrusques, visigòts, sarrasins, aragones e frances dau temps de la Crotzada.

Lo bastiment principau de la peninsula, que ven rapelar que Magalona fuguet longtemps un eveschat, demòra l’egleisa Sent Peire e Sent Pau. Aura un pauc desconeguda de la crestianetat, la catedrala n’en veget passar dau brave monde, que ‘quò siá los papas los mai influents de l’Atge Mejan, o daus reis de França mai d’alhors.

Mas ‘quela notorietat podiá evidentament pas durar, ‘laidonc l’eveschat s’en anet a Montpelhier, dau temps que Richelieu comandava lo demantelament de la gleisa e de sas peiras (utilizadas per lo canau vesin) au pretexte qu’aviá acialat daus protestants…

Dempuei, l’anciana catedrala fuguet classada Monument Istoric, s’i fagueren de las folhas arqueologicas, s’i planteren dau aubres e de las plantas mediterraneanas. E la balada vau lo còp, a gaire luenh de Montpelhier !

Fichas liadas

Escriure un vejaire

Vòstra adreça de messatjariá serà pas publicada. Los camps obligatòris son indicats amb *


*

Pin It on Pinterest

Partatjar