Menut de navigacion

Participar

Coneisses daus braves endrechs ? Fas de las fòtos de vacanças mas sabes jamai que n’en far ? Cherchas de las ideias per far dau torisme ? Auriás enveja de descubrir ton país d’un autre biais e en occitan ? As nonmàs enveja de viatjar un pitit pauc e d’aprener daus afars sens bujar de ta chadiera de bureu ? Deven barrutlaire o barrutlaira !

Sus BaRuLa, chasca persona que passa se ditz un « barrutlaire ». Sem tots daus vagamonds virtuaus aquí ! Podes desjà te permenar un pauc pertot ente voles e descubrir las fichas escrichas per los autres barrutlaires.

Se voles anar mai luenh e redijar tu tanben tas fichas, te fau inscriure. Res de mai simple :

>>>>> PICA AQUI <<<<<

Te demandarem de crear un nom o un chafre per surfar sus BaRuLa, de rentrar ton mail, e enfin de verificar que ses pas un robòtSe per cas i a daus robòts que parlen occitan...sabem jamai. en rentrar lo bon còde CAPTCHA coma indicat. E…quo es tot !

Recebràs còp-sec un mail que te convidarà a confirmar ton inscripcion e a chausir un mot de passa per puescher te connectar.

Un còp ton compte de barrutlaire creat, auràs accès a una interfàcia de redaccion, mai d’autres afars e utís. Per aprener a t’en servir, legís las astúcias de la pagina d’Ajuda. Tot i es marcat ! En cas de probleme, podes totjorn nos contactar.

Per te tornar connectar a tot moment, utiliza l’aisina qu’es en bas de la barra de costat, o vai a l’adreiça http://barula.de/wp-login.php.

Charta

BaRuLa dona una granda libertat a sos utilizators. Çai que lai, quauquas pitas reglas son de respectar :

-Las fòtos charjadas sus lo site deven esser la proprietat de la persona que las charja o ben tot deu aver l’acòrd explicite de lur proprietari. S’agís pas de copiar las fòtos de Google Images, mas de partatjar dau contengut personau !

-Se i a de las personas visiblas sus las fòtos, deven pas esser reconeissablas, per de las rasons de respect de la privacitat e de l’imatge, notadament per los minors. BaRuLa es pas Big Brother !

-Chasque autor es tengut per responsable de çò que publia. Los perpaus que van contra çò qu’es permes per la lei (lo negacionisme e lo revisionisme, d’exemple), seràn pas acceptats.

-L’escritura d’una ficha deu esser desinteressada, e se pòt pas far de la publicitat.

Dins tots los cas, s’una de ‘quelas reglas es pas respectada, los editors e l’administrator an lo poder e la possibilitat d’editar lo contengut o de prener d’autras mesuras.

Pin It on Pinterest

Partatjar