Menut de navigacion
Pòrta Calhau

Pòrta Calhau

Entrada de vila medievala

  • Tipe :
  • Adreiça : Porte Cailhau, Rue Porte de Cailhau
Pòrta Calhau

La pòrta Calhau

La pòrta Calhau, au nom que fai plan occitan, quitament se sabem pas d’ente ven, data dau segle XV, e siguet oferta au rei Charles VIII. Lo rei en question se vei de l’autre costat de la pòrta.

Carles 8

Carles VIII

Coma alhors, çò que ilhs apelen « pòrta », quo era las entradas de la vila. Quo exista enquera dins quauquas vilas medievalas, mas a Bordèu la situacion es particulara : an esbolhat las muralhas, mas an laissat, e quitament tornat construsir las pòrtas. E los noms de « barrières » (las pòrtas que servian de peatge) son demorats sus los plans de la vila,e los quites baloards seguissen ara quel ancian traçat.

Muralha Calhau

Muralha Calhau

Aquí se vei plan que la muralha es partida :

Rua de L'ombrièra

Rua dau Palais de L’Ombrièra

Veiqui la mesma pòrta, visda dau naut de la « Rue du Palais de l’Ombrière ». Lo dich palais de l’Ombrière (Castet de l’Umbreyra) renforçava la desfensa de la vila dau costat dau flume. Era tanben la residencia daus ducs d’Aquitània e daus reis d’Englaterra. Es estat redusit a la mòrt de Richard Còr de Leon e los princes-ducs d’Aquitània (lo Prince Negre, …) aimavan mielhs demorar au palais episcopau. Lo trobador Bertran de Born a parlat d’aqueu chasteu. Se ditz que lo chasteu s’apelava entau per çò que era bastit dins un « casau » ente se trobavan tot plen d’ormes, aubre-simbeu de la vila de Bordèu (qu’aima l’aiga e Bordèu es bastida sus de las ribas fanhosas) e simbeu de las revòutas istoricas de la vila. Aura, ia pas mai de traça de queu chasteu, demòra nonmàs la rua e la plaça per portar lo mesme nom.

Sus la fòto se vei que la rota contunha apres la pòrta, mas longtemps la Garona veniá mai rasís, los quais taus que son aurá son apareguts plan mai tard.

Fichas liadas

Escriure un vejaire

Vòstra adreça de messatjariá serà pas publicada. Los camps obligatòris son indicats amb *


*

Pin It on Pinterest

Partatjar