Menut de navigacion
Puei Gerjant

Puei Gerjant

Luec simbolic dau Lemosin

  • Tipe :
  • Adreiça : Mont Gargan

L’aleia que monta au Puei Gerjant es environada de vielhs faiards, grands, torçuts, que semblen a daus animaus, daus monstres, çò que ven joslinhar lo costat un pauc misteriós de l’endrech. En efiech, lo Puei Gerjant es dempuei daus segles un luec de culte pagan, au mens dempuei que los gales l’i venián festejar l’equinòxa. Son nom ven d’alhors de Gargan, lo gigant filh de Belenos e Belisama, popularizat mai tard per Rabelais en Gargantuà, e tot plen de legendas corren sus aqueu luec vengut simbeu dau Lemosin.

En naut dau Gerjant trobem una chapela, consacrada a Nòstra Dama dau Bon Secors. Es pas tant vielha que semblariá : segle 19, nonmàs. La crestianizacion tardiera de l’endrech a, vist l’estat de roina de l’edifici, pas tant reussit qu’aquò.

L'estèla dau Gerjant

L’estèla dau Gerjant

Lo Gerjant es conegut tanben a causa d’una famosa batalha que i aget luec, menada per lo tant famós Guinguoin, una figura de la Resisténcia, menaire dau maquís lemosin, que lo monde apelaven « Lo Grand ». Aquí, en 1944, los resistents se pesteleren contra los 2-3000 allemands de l’armada regulara apres un parachutatge de materiau per los aliats. Las perdas fugueren de 342 chas los alemands e 38 chas Guinguoin… Los alemands pogueren prendre lo Gerjant, mas lo maquís aviá desjà recuperat las armas e era partit.

Doás vudas dempuei lo Puei Gerjant sus las nautors dau Lemosin :

Vuda dau Gerjant

Vuda dau Gerjant

Vuda dau Gerjant

Vuda dau Gerjant

Fichas liadas

Escriure un vejaire

Vòstra adreça de messatjariá serà pas publicada. Los camps obligatòris son indicats amb *


*

Pin It on Pinterest

Partatjar