Menut de navigacion
Rechoard

Rechoard

Chasteu en peira de meteorita

  • Tipe :
  • Adreiça : Rochechouart, France

Rechoard es una pita jos-prefectura de la Vinhana Nauta. L’i trobam, entre autres, un chasteu, massa impausanta que senhoreja la comba d’en dejós. Dau segle 12 demòra una torn e lo pont-levadís (adobat), lo demorant es dau segle 15.

L’interior dau chasteu acuelha aura la jos-prefectura e un museu d’art moderne.

Las peiras dau país de Rechoard, que vesem pertot dins los murs de las maisons, son particularas. Fau dire que Rechoard es coneguda mondialament, per la comunautat scientifica dau mens, per la meteorita que l’i tombet, aquò fai 214 millions d’annadas. N’en demòra pus res, ni cratère ni res, mas ela modifiquet plan la geografia e la geologia dau Grand Sud-Oeste. L’existencia de ‘quela meteorita fuguet provada tardierament, dins las annadas 60. Avant aquò, tot lo monde pensava que lo relieu dau canton era degut a la presencia d’un volcan un pauc eslunhat daus autres.

La meteorita en se a pas menat una peira diferenta, la tustada la faguet completament dispareisser, mas la fusion de las peiras existentas creet una novela ròcha, especifica a l’endrech, longtemps expleitadas coma « ròcha volcanica » ; e, vertat, l’i sembla, es leugiera, un pauc porosa mas pas tròp, aisada de talhar. Los romans n’en fagueren los termes de Chassenon, puei los nòbles de Lemòtges s’en fagueren daus sarcofages, e las folhas arqueologicas montret que la ròcha aviá tanben de las capacitats de conservacion, per los còrps notadament.
Totas las maisons tradicionalas a benleu 50 kilometres a l’entorn son fachas totalament o en partida emb ‘quelas ròchas un pau rojas, verdas o jaunas (segon l’endrech).

Fichas liadas

Escriure un vejaire

Vòstra adreça de messatjariá serà pas publicada. Los camps obligatòris son indicats amb *


*

Pin It on Pinterest

Partatjar