Menut de navigacion
Ròc Amador

Ròc Amador

Ciutat de pelegrinatge

Lo Ròc Amador es conegut mondialament ; classat patrimòni mondiau de l’umanitat, es lo vilatge lo mai visitat de França apres lo Mont Sent Micheu. La destinacion toristica numerò 1 d’Occitània, donc.

Sus la rota de Sent Jaume, Ròc Amador es una estapa oblijada dempuei l’Atge Mejan, e la descuberta dau còrs de Sent Amador dins la ròcha ente viviá en ermita. La celebritat dau site n’en faguet un luec de romiuvatge apres una seria de miracles atribuits a sa Vierja Negra, que se pòt veire enquera uei dins ‘na chapela. Un conta que la clòcha sonava tota sola quand quauqu’un (especiaument los marins) la prejava.

Entau, Ròc Amador veguet passar un nombre impressionant de romius coneguts : Roland, Sent Loís, Blancha de Castilha, Alionòr, Simon de Montfòrt, Jacques Cartier…

ANECDÒTA !

Durandal

Durandal, fichada dins la peira

Avetz auvit parlar de Roland ? Lo nebot de Charlamanha, tuat per los « sarrasins » a Roncesvaus ? Lo que, avant de morir, per pas que los maures prenhan son espasa Durandal, la lancet luenh luenh, en far au passatge un famós trauc que pòrta son nom a Gavarnia ? La legenda ditz que l’espasa ‘ribet a Ròc Amador e s’i plantet dins la ròcha. E ben, l’i es enquera !

Evidentament, quo seria pas la vertadiera. La vertadiera se seriá facha enlevar per los angles au segle IX…

Panorama Rocamadour

Panoramà dempuei Ròc Amador

Fichas liadas

Escriure un vejaire

Vòstra adreça de messatjariá serà pas publicada. Los camps obligatòris son indicats amb *


*

Pin It on Pinterest

Partatjar