Menut de navigacion
Roinas gallò-romanas daus Cars

Roinas gallò-romanas daus Cars

Villà e monuments funeraris

  • Tipe :
  • Adreiça : Pérols-sur-Vézère, France

La Corresa es richa de quauquas roinas romanas, que venen tesmonhar de l’ocupacion aboriva daus nauts-plateus lemosins. Las roinas daus Cars, situadas sus la comuna de Sent Merd las Aussinas, en frances « Saint-Merd-les-Oussines », sus lo plateu de Miuvachas e pas luenh de Tarnac son benleu las mai conegudas.

Demòra pas grand-chausa de quilhs dos monuments funeraris daus segles 2 o 3, un champ de peiras talhadas ente se pòt nonmàs devinhar de las fòrmas e de las fonccions.

Lo pitit riu daus Cars

Lo pitit riu daus Cars

Un pauc mai debàs, apres quauques metres dins daus bòscs ente avem dau mau a creire que fugueren abitats fuguet un temps, un pitit riu nos mena a d’autras roinas, que disen esser aquelas d’una villà, d’abitacion donc. Lo traçat au sòu i es enquera bien visible, lo dessenh de las peças mai d’autres afars demorats en estat. Aquesta villà aviá lo chaufatge e l’aiga correnta, çò que podem veire enquera clarament.

Una pita archa

Una pita archa

Una citerna per servar l'aiga

Una citerna per servar l’aiga

Los traçats de la villà

Los traçats de la villà

Los traçats de la villà

Los traçats de la villà

A costat de la villà, la natura que tornet prener sos drechs es representativa de çò que trobem alhors sus lo plateu de Miuvachas : de la fanha, de la palena e de l’aiga. Mas, tot parier, çò que sembla a una torbiera seriá nonmàs un estanh sechat, en partida artificiau, que serviá a las culturas dins lo ranvers.

Quauques objects trobats aus Cars se pòden veire dins lo museu de Maismac.

...o l'ancian estanh ?

…o l’ancian estanh ?

La torbiera...

La torbiera…

Fichas liadas

Escriure un vejaire

Vòstra adreça de messatjariá serà pas publicada. Los camps obligatòris son indicats amb *


*

Pin It on Pinterest

Partatjar