Menut de navigacion
Senta Quitèira

Senta Quitèira

Glèisa gotica

  • Tipe :
  • Adreiça : Aire-sur-l'Adour, France

« Pròche de la cripta de Sent Melquiade que’s veid un tahuc com lo de la nosta senta Quitèira d’Aira, e de tira que’m gaha l’idea de díser la canta de senta Quitèira en’queste país on an botat martirs com botan grons au camp per semiar. »
Cesari Dauger, Ua camada en Italia – Letra XXIX, Las Catacombas

Glèisa Senta Quitèira

La Glèisa Senta Quitèira d’Aira

La glèisa Senta Quitèira d’Aira (Tursan, Gas.) qu’es un monument istoric classat, inscrivut au Patrimòni Mondiau de l’UNESCO suus camins de Sent Jacme de Compostèla. Bastida a la fin deu sègle XIau còsta l’abadia benedictina (uei Licèu professionau). Qu’estó destrusida en partida au sègle XVIau pendent las Guèrras de Religion.

De véser : lo timpan deu sègle XIIau representant lo Darrèr Jutjament, lo còr dab decòr roman e autar barròc deu sègle XVIIIau, la cripta, ancian mausolèu embarrant lo tahuc dit de Senta Quitèira de marme blanc datant deu miei deu sègle IVau.

La legenda que ditz que’queste tahuc qu’èra un present de la reina Clotilda, hemna deu Clodovèu.

Un legenda hòrt vitèca

Quan la glèisa Senta Quitèira seré hòrt beròja, qu’es la legenda ligada tà la senta qui es pro notadera.

Quitèira qu’èra hilha d’Aetius, rei visigòt de Tolosa. Qu’arrefusè de’s maridar dab lo princi German e que hujó entad Aira desguisada en cavalèr entad escapar tà la sollicitacions deu nòvi e tà la malícia deu pair. La hugida qu’intervienó quauques temps après la soa conversion tau cristianisme, acompanhada deu vòt de castetat. German que l’arretrobè e que la descapitè.

La legenda que ditz que quan lo cap casó e toquè tèrra, ua hont que chorrè. Quitèira que s’auré pres lo cap, que se l’auré lavat e que se l’auré portat mei haut suu platèu deu Mas, on se tròba uei lo son tahuc.

L’avesque, deu nom de Haust, que hasó aqueth jorn un presic, après lo quau la vila sancèra d’Aira e’s convertí tau cristianisme, lo quite German tanben.

La hont que cor tostemps e que la balhan la vertut de desentopiar atau com guarir la ràbia (Senta Quitèira qu’es sovent representada dab aus pès un can qui tira la lenca).

Lo son culte qu’estó hòrt vitèc a l’Edat Mejana.

La hont miraculosa de senta Quitèira

La hont miraculosa de senta Quitèira

 

Fichas liadas

Escriure un vejaire

Vòstra adreça de messatjariá serà pas publicada. Los camps obligatòris son indicats amb *


*

Pin It on Pinterest

Partatjar